გლობალური პოსტპანდემიური გამოწვევები

ანოტაცია

პოსტპანდემიური გამოწვევები და მათი ანალიზი ბოლო დროის ყველაზე აქტუალურ სადისკუსიო თემად იქცა. პანდემიამ დიდი გამოწვევის წინაშე დააყენა მსოფლიო, სრულიად დედამიწა. ეს გახდა რეალობა, რომელმაც მოიცვა სამყარო. ნებისმიერ სექტორს შეეხო ეს პრობლემა, შესაბამისად მისი ანალიზიცა და გააზრებაც უკიდურესად მნიშვნელოვანი გახდა. დღევანდელ დღეს მკვლევარების, ისტორიკოსების, ჟამთა აღმწერლების, პროფესორების დიდი არმია ცდილობს აღწეროს ეს მოვლენა, რომ მომავალში ეს ფაქტები ისტორიას შემორჩეს. პანდემია შეეხო განურჩევლად ყველას, მან განუზომლად დიდი ზიანი და ზარალი მიაყენა დედამიწის ბინადრებს, მისი განჭვრეტა და დროში დამორჩილება გახდა შეუძლებელი, მისი პროგნოზირება არარეალური, ხოლო დასასრულის მოლოდინი დაუსრულებელი.